Online seller, 2 iba pa timbog sa P850K na halaga ng shabu sa Parañaque City
Inaresto ng mga tauhan ng Parañaque City Police Station Drug Enforcement Unit ang tatlong katao kabilang ang isang online seller na sangkot sa umano’y bentahan ng ilegal na droga sa isinagawang buy-bust operation sa Draga Street Bray, Brgy. San Dionisio sa lungsod.
Kinilala ang mga dinakip na sina alyas Weng, 30-anyos, isang online seller; alyas Jerico, 27-anyos; at alyas Erwin, 40-anyos,na nahaharap sa kasong paglabag sa Comprehensive Dangerous Drugs Act of 2002.
Sina alyas Weng at Jerico ay kapwa nakalistang High Value Individuals habang Street-Level Individual naman si Erwin.
Sa gitna ng operasyon, narekober ng otoridad ang 125 na gramo ng umano’y shabu na tinatayang bagkakahalaga ng P850,000 at buy-bust money.
Ang nakumpiskang ebidensiya ay dinala sa Southern Police District Forensic Unit (SPDFU) para sa kaukulang pagsusuri. (Bhelle Gamboa)
