Mag-asawang sakay ng yate nailigtas sa Bulalacao, Occidental Mindoro

Rumpesponde ang mga tauhan ng Philippine Coast Guard (PCG) sa nagkaproblemang yate sa Suguicay Island, Bulalacao, Oriental Mindoro.

Nailigtas sa nasabing operasyon ang mag-asawang sakay ng yate na sina Belen Sidell, 41-anyos at Jon Sidell, 63-anyos.

Umalis sila sakay ng yate galing ng Poblacion, Bulalacao noong Feb. 3 patungo sa Suguicay Island.
Dahil sa lakas ng hangin ay tumaas ang alon dahilan para sumadsad ang yate.

Agad din namang nahatak ng Coast Guard Sub Station Bulalacao team katuwang ang Municipal Disaster Risk Reduction Management patrol boat ang nagkaproblemang yate at dinala sa baybayin ng Sitio Bangkal.

Kapwa nasa maayos na kondisyon naman ang mag-asawa. (DDC)