Barko ng Pilipinas muling nakaranas ng pangha-harass mula sa barko ng China

Nakaranas muli ng pangha-harass mula sa barko ng China ang barko ng Philippine Coast Guard (PCG).

Ayon kay Coast Guard Spokesperson Commodore Jay Tarriela, idineploy ngayong Martes (Mar. 5) ng umaga ang BRP CABRA at BRP SINDANGAN para sumuporta sa Rotation and Reprovisioning Operation ng Armed Forces of the Philippines (AFP).

Ayon sa pahayag ni Tarriela, sa nasabing perasyon, nakaranas ng dangerous maneuvers at blocking ang mga barko ng Pilipinas mula sa Chinese Coast Guard vessels at Chinese Maritime Militia.

Nagresulta ito sa pagbangga ng barko ng China Coast Guard sa BRP Sindangan.

Nagtamo ng minor damage ang barko ng Coast Guard dahil sa insidente.

Tinawag ni Tarriela na reckless at illegal ang ginawang aksyon ng mga barko ng China. (DDC)