LTFRB tumatanggap na ng aplikasyon para sa Special Permit sa Holy Week

Binuksan na ng Land Transportation Franchising and Regulatory Board (LTFRB) ang pagtanggap ng aplikasyon para sa mga nais kumuha ng Special Permits (SP) para sa Holy Week.

Ang paghahain ng aplikasyon ay sinimulan ng February 26 at tatagal hanggang sa March 8, 2024.

Ang Special Permit naman ay mayroong bisa mula March 24 hanggang March 31.

Para sa mga nais na mag-apply ng Special Permit, kailangang ihanda ang sumusunod na mga dokumento:

– Current LTO OR/CR
– Valid personal Passenger Accident Insurance Policy
– Board Resolution o Certificate of authorized signatory para sa juridical entity.

Ang pagbibigay ng Special Permit ay ginagawa ng LTFRB taon-taon para matugunan ang dagsa ng mga pasahero tuwing Holy Week. (DDC)