Metro Manila at malaking bahagi ng Luzon, apektado pa rin ng Amihan

Umiiral pa rin ang Amihan sa Metro Manila at sa malaking bahagi ng Luzon.

Sa weather forecast ng PAGASA ngayong araw ng Lunes, Feb. 26, makararanas ng maulap na papawirin na may mahinang pag-ulan sa Cagayan Valley, Aurora at Quezon dahil sa Amihan.

Bahagyang maulap hanggang sa maulap na papawirin naman na mayroong isolated na pag-ulan ang mararanasan sa Metro Manila at sa nalalabing bahagi ng Luzon.

Samantala, sa nalalabing bahagi ng bansa, makararanas ng isolated na pag-ulan dahil sa easterlies o localized thunderstorms. (DDC)