Mga pamilyang nasunugan sa Brgy. Rosario, Rodriguez, Rizal hinatiran ng tulong
Hinatiran ng tulong ng grupong Nice One Club ang mga pamilyang nasunugan sa Brgy. Rosario, Rodriguez, Rizal.
Sa isinagawang relief operation ng grupo sa pangunguna ng kanilang presidente na si Thomas Cruz, kasama si Julius Torio at iba pang mga miyembro, binigyan ng food packs ang mga nabiktima ng sunog.
Kasama din sa idinaos na relief operation si OIC Area 3 ng Barangay San Jose na si Henry Magno.
Maliban sa food packs, pinagkalooban din ng tulong-pinansyal ang ina ng nasawi sa nasabing sunog.
Ginawa ang relief operation sa pakikipagtulungan kay Brgy. Capt. Bogs Ignacio. (DDC)
