9 na drug personalities arestado sa magkakahiwalay na buy-bust operations sa Rizal

Arestado ang siyam na katao na sangkot sa iligal na droga sa isinagawang buy-bust operations sa lalawigan ng Rizal.

Dalawang buy-bust operations ang ikinasa sa San Mateo, Rizal na nagresulta sa pagkakaaresto ng 6 na personalidad na kabilang sa Street Level Individual.
Nakumpiska sa mga suspek ang 2.14 grams na shabu na may Standard Drug Price (SDP) na mahigit P14,500.

Samantala, sa Antipolo City, 2 buy-bust operations din ang ikinasa na nagresulta sa pagkakaaresto ng 2 indibidwal.
Nakumpiska sa isang Alyas Robert ang 1 gramo ng shabu na nagkakahalaga ng P6,800.

Habang naaresto din ang isang Alyas Bagwis na itinuturing na High Value Individual matapos mahulihan ng 6 sachet ng hinihinalang shabu na nagkakahalaga ng P10,200.

Sa bayan naman ng Angono, nadakip ang isang alyas MJ na nahulihan ng P3,400 na halaga ng shabu.

Inihahanda na ang kasong paglabag sa RA 9165 o Comprehensive Dangerous Drug Act of 2002 laban sa 9 na suspek. (DDC)