Itinatayong Navotas Convention Center nasa 70 percent na ang completion rate

Nasa 70 percent na ang completion rate ng itinatayong Navotas Convention Center.

Ayon sa update ng Department of Public Works and Highways (DPWH) National Capital Region (NCR), ang 5-story building ay mayroong 4,000 seating capacity.

Ang convention center ay itinatayo sa Barangay Bagumbayan South, Navotas City.

Bahagi ng proyekto ang pagkakaroon ng standard size basketball court, air-conditioned function rooms, cafeteria, at parking facilities.

Inaasahang magagamit ito sa iba’t ibang community activities, at services, at makatutulong sa local economy sa lungsod. (DDC)