14 na Pinoy na inilikas sa Gaza nakatakdang dumating sa bansa
Nakatakdang dumating sa bansa ang panibagong batch ng mga Pinoy na inilikas mula sa Gaza Strip.
Ayon sa Philippine Embassy sa Cairo, Egypt, darating sa bansa sa Miyerkules, Feb. 21 ang 14 na Pinoy, kasama ang dalawang Palestinian.
Ang nasabing mga Pinoy ay nakatawid mula sa Gaza sa pamamagitan ng Rafah border noong Feb. 17 sa tulong ng embahada ng Pilipinas.
Sa datos ng embahada, umabot na sa nasa 137 na Pinoy ang nailikas mula Gaza patungo sa Egypt. (DDC)
