Kristine Hermosa, buntis sa pang-anim na anak nila ni Oyo Sotto
Inanunsyo ng aktres na si Kristine Hermosa ang pagbubuntis niya sa ikaanim na anak nila ni Oyo Boy Sotto.
Sa kaniyang Instagram ibinahagi ni Hermosa ang larawan ng kanilang baby.
Hindi naman binanggit ni Hermosa kung ilang buwan na ang pagdadalang tao nito.
Ayon kay Hermosa, bagaman pang-anim na pagkakataon na niya itong pagbubuntis iba pa rin ang pakiramdam nang siya ay magpositibo sa pregnancy test.
Iba’t iba aniya ang level ng “overwhelming emotions” sa kaniyang mga pagbubuntis.
Aminado din si Hermosa na inakala niyang huli na ang panglima nilang anak ni Oyo na si Isaac.
Subalit iba aniya ang plano ng Diyos sa kanilang pamilya.
Marami naman sa kasamahan sa industriya ng mag-asawa ang nagpaabot ng pagbati sa kanila. (DDC)
