2 miyembro ng Maute Group, 6 na sundalo patay sa bakbakan sa Lanao del Norte

Anim na sundalo at tatlong miyembro ng Daulah Islamiyah-Maute Group ang nasawi sa engkwentro na naganap sa Barangay Ramain, Munai, Lanao del Sur.

Kinumpirma ito ni Armed Forces of the Philippines (AFP) chief, Gen. Romeo Brawner Jr. sa isang pahayag.

Ayon kay Brawner, mayroon ding apat na mga sundalo ang nasugatan sa nasabing bakbakan na dinala na sa Camp Evangelista Station Hospital.

Nangyari ang engkwentro noong Linggo, Feb. 18.

Bago ito sinabi ni Brawner na nakapagtala na ng 18 miyembro ng Daulah Islamiyah-Maute Group na nasawi sa pinaigting na operasyon ng mga otoridad laban sa nasabing grupo.

Nagpaabot naman ng pakikiramay si Brawner sa mga naiwang pamilya ng mga pumanaw na sundalo. (DDC)