DepEd nagbabala sa publiko sa ipinapakalat na pekeng scholarship

Binalaan ng Department of Education (DepEd) ang publiko sa mga kumakalat na post tungkol sa iniaalok na DepEd scholarship.

Sa nasabing post na kumakalat sa Facebook, nakasaad na lahat ng estudyante ay maaaring mag-apply ng scholarship.

Sinasabing mabibigyan ng P5,000 ang mga nasa elementarya, P7,000 ang nasa High School, P10,000 kapag College at P10,000 din sa kumukuha ng Vocational Courses.

Pero paalala ng DepEd sa publiko, ang nasabing post ay peke at walang katotohanan.

Paalala ng DepEd na maging maingat sa mga nababasa at ipinakakalat online. (DDC)