Mahigit Piso na namang pagtaas sa presyo ng produktong petrolyo ipatutupad ng mga kumpanya ng langis

Tataas na naman ng mahigit Piso ang presyo ng produktong petrolyo ngayong linggo.

Kasunod ito ng karampot lamang na bawas presyo na ipinatupad ng mga kumpanya noong nakaraang linggo.

Ayon sa abiso ng mga kumpanya ng langis, tataas ng P1.60 ang presyo ng kada litro ng gasolina.

P1.10 naman ang itataas ng presyo ng kada litro ng diesel.

Habang may dagdag din na P1.01 ang presyo ng kada litro ng kerosene.

Epektibo ang dagdag presyo umaga ng Martes, Feb. 20. (DDC)