6 nailigtas matapos lumubog ang sinasakyang motorbanca sa karagatang sakop ng Sulu

Anim ang nailigtas matapos na lumubog ang sinasakyan nilang motorbanca sa karagatan ng Sulu.

Tumulong ang mga tauhan ng Naval Forces Western Mindanao gamit ang BRP JOSE LOOR SR (PC390) matapos madatnan ang cargo vessel na MV NAVIOS LUMEN habang inililigtas ang mga sakay ng M/B LORENA.

Lumubog ang motorbanca sa bahagi ng Pangutaran Island dahil sa malakas na alon.

Tyempo namang dumaraan din sa lugar ang Panama-Flaged Bulk Carrier Named na M/V Navios Lumen at namataan ang mga crew na nagpapasaklolo.

Ipinadala ng NAVY ang BRP JOSE LOOR SR para ligtas na maibiyahe ang mga paektadong crew.

Pagdating sa Lamion Wharf, Bongao, Tawi-tawi agad binigyan ng makakain at inuming tubig ang anim na sakay ng motorbanca at saka dinala sa MDRRMO Bongao para sa counseling, health check at karampatang tulong.

Nagpasalamat naman ang Philippine Navy sa bulk carrier na tumulong sa anim upang sila ay makaligtas. (DDC)