Bigas mas mainam na ipangregalo sa Valentine’s Day kaysa sa bulaklak ayon sa DA

May payo ang Department of Agriculture sa para sa Valentine’s Day.

Sa pulong balitaan sa Malakanyang, sinabi ni Agriculture Undersecretary Roger Navarro na sa halip na bulaklak, mas makabubuti kung bigas na lamang ang ibibigay sa mga mahal sa buhay.

Paliwanag ni Navarro, matinik kasi ang bulaklan samantalang matamis ang bigas.

Ayon kay Navarro, mas praktikal na magregalo ng bigas dahil ang bulaklak ay hindi naman makakain at matinik pa.

Sa ngayon ay nasa P50 hanggang P60 ang presyo ng bigas kada kilo.

Samantalang nasa mahigit P1,000 ang presyo ng isang bouquet ng bulaklak. (Chona Yu)