Comelec nakapagtala ng mahigit 60,000 nagparehistro sa unang araw ng voter registration
Umabot sa mahigit 60,000 ang nagparehistro sa unang araw ng voter registration noong Lunes, Feb. 13.
Ayon sa datos ng Commission on Elections (Comelec), kabuuang 62,306 ang naitalang nagtungo sa mga tanggapan ng poll body noong Lunes para magparehistro.
Pinakaraming nagparehistro sa Comelec-NCR na mayroong 10,582, kasunod ang Comelec Region III na mayroong 10,143.
Hindi pa naman nakakalap ng Comelec ang datos ng mga nagparehistro sa CAR, Regions I, IV-A at V. (DDC)
