Voter registration simula na ngayong araw

Ganap ng umarangkada ngayong araw (Feb. 12) ang pagsisimula ng voter registration.

Maaga pa lamang, may mga nakapila na sa Palacio Del Gobernador sa Intramuros, Maynila.

Ang voter registration ay tatagal hanggang sa Sept. 30, 2024.

Ayon sa Commission on Elections (Comelec) bukas ang mga tanggapan nito araw-araw mula Lunes hanggang Sabado kabilang ang Holidays.

Para sa mga magpaparehistro, kailangan lamang magdala ng valid government-issued ID bilang patunay ng pagkakakilanlan.

Ang application forms ay makukuha ng libre sa opisina ng Election Officer o kaya ay maaari ding i-download sa www.comelec.gov.ph

Una ng umapela sa publiko si Comelec Chairman George Erwin Garcia na huwag ng hintayin pa ang Sept. 30 deadline para magparehistro. (DDC)