Mga single na empleyado sa munisipyo ng General Luna, Quezon, binigyan ng “2 Day-Special Stress Leave with pay”

Binigyan ng dalawang araw na special leave with pay ang mga single na empleyado ng Municipal Hall sa bayan ng General Luna sa lalawigan ng Quezon.

Ang espesyal na leave ay tinawag na “Stress Leave” na pwede i-avail ng mga empleyado ng munisipyo na single at walang ka-date sa papalapit na Valentines Day.

Ayon kay General Luna Mayor Matt Florido, ramdam niya ang pinagdadaanan ng mga single employee lalo at papalapit na ang Araw ng mga Puso.

Ang special leave ay para aniya ma-enjoy ng mga single na empleyado ang valentines.

Ayon kay Florida, kung nais ng mga empleyado na makapag-enjoy ng long weekend, maaaring mag-file 2-day special stress leave with pay.

Pwede itong i-avail sa Feb. 15 at Feb. 16 na karugtong ng araw ng Sabado at Linggo.

Pero kung nais pa din nga single na empleyado na pumasok sa nasabing mga petsa makatatanggap sila ng double pay.

Ayon kay Florido, hindi gagamit ng government fund para sa nasabing insentibo at ang pondo ay magmumula sa kaniyang personal o sariling bulsa. (DDC)