Nakatakdang pagdinig sa aplikasyon para sa prangkisa sa Feb. 9, ipinagpaliban ng LTFRB

Ipinagpaliban ng Land Transportation Franchising and Regulatory Board (LTFRB) ang pagdinig sa lahat ng aplikasyon para sa Certificate of Public Convenience (CPC) na nakatakda dapat isagawa sa Feb. 9, 2024.

Ito ay dahil idineklara ng Malakanyang ang nasabing petsa bilang Special Non-Working Day sa buong bansa.

Ito ay bilang pagpapakita ng pakikiisa sa pagdiriwang ng Chinese New Year.

Ayon sa LTFRB, sa halip na Feb. 9, ang pagdinig ay gagawin na lamang sa Feb. 16, 2024. (DDC)