Electrical maintenance activities sa NAIA hindi makakaapekto sa mga biyahe ng eroplano

Walang maaapektuhang biyahe sa isasagawang serye ng electrical maintenance activities sa Ninoy Aquino International Airport o NAIA.

Isasagawa ang electrical maintenance sa NAIA Terminals 1 and 2, International Cargo Terminal, MIAA Admin Bldg at sa airfield simula ngayong araw February 6 hanggang March 7.

Bahagi ito ng nagpapatuloy na pag-upgrade sa electrical systems ng NAIA.

Ayon sa pahayag ng pamunuan ng NAIA bagaman mayroong minimal disruptions sa ilang bahagi ng paliparan, mananatili namang operational ang critical systems na ginagamit para sa pagproseso ng mga pasahero.

Wala itong magiging epekto sa flight operations.

Bago ang maintenance activities ay nakipagpulong din ang MIAA sa lahat ng stakeholders.

Sa pakikipagpulong ng MIAA sa Meralco ay bumuo ng mga plano para masiguro na magtutuloy tuloy ang mga flight at passenger movement. (DDC)