Dagdag sahod para sa mga kasambahay sa Region IV-A aprubado na ng Wage Board

Aprubado na ng Regional Tripartite Wages and Productivity Board ang pagtataas ng sahod ng mga kasambahay sa Region IV-A o Calabarzon.

Simula sa February 19, taas ng P1,000 ang sahod ng mga kasambahay sa rehiyon.

Dahil mula sa P5,000 ay magiging P6,000 na ang sahod ng mga kasambahay sa mga lungsod at first class municipalities sa Calabarzon.

Habang sa iba pang munisipalidad ay magiging P5,000 na mula sa dating P4,000.

Sa inilabas na Wage Order ng Regional Wage Board nasa 233,909 na mga kasambahay sa rehiyon ang makikinabang sa dagdag sahod. (DDC)