Pangulong Marcos nakabalik na ng bansa matapos ang 2-araw na pagbisita sa Vietnam

Nakabalik na sa bansa si Pangulong Ferdinand Marcos Jr. matapos ang kaniyang dalawang araw na state visit sa Vietnam.

Lumapag ang eroplanong sinakyan ng pangulo sa Villamor Airbase sa Pasay City, madaling araw ng Miyerkules (Jan. 31).

Sa kaniyang arrival statement, ibinida ng pangulo ang magandang naging bunga ng kaniyang pagbisita sa Vietnam.

Ayon sa pangulo sa pulong niya kay Vietnam President Vo Van Thoung, tiniyak muli ang commitment ng dalawang bansa na palakasin ang relasyon at pagtutulungan.

Kabilang aniya sa tinalakay ang kooperasyon sa defense, maritime, trade and investment, economic, education, tourism and culture. (DDC)