Loyalty check hindi kailangan ayon sa AFP
Naniniwala ang Armed Forces of the Philippines (AFP) na hindi kailangan ng loyalty check sa hanay nito sa kabila ng bangayan sa pagitan nina Pangulong Ferdinand Marcos Jr. at dating Pangulong Rodrigo Duterte.
Ayon kay AFP Spokesperson Col. Frnacel Padilla, sinabi ni AFP Chief of Staff Gen. Romeo Brawner Jr na hindi kailangan ang loyalty check sa kanilang hanay.
Sinabi ni Padilla na magpapatuloy lamang ang AFP sa pagganap sa tungkulin nito base sa isinasaad ng Konstitusyon.
Nanawagan din si Brawner sa mga sundalo na huwag makihalubilo sa mga isyu at maging non-partisan lamang.
Ani Padilla patuloy na sesentro ang Sandatahang Lakas sa misyon nito na wakasan ang terorismo at paigtingin ang territorial defense ng bansa. (DDC)
