HS Romualdez kay Sen. Imee Marcos: Hindi po kailangan ng bastusan

Bukas si House Speaker Martin Romualdez sa makabuluhang diskusyon kay Senator Imee Marcos.

Pahayag ito ng house speaker matapos ang panibagong patutsada ng senadora laban saknaiya.

Sa pahayag sa senado, sinabi ni Marcos na “walang gamot sa kakapalan ng mukha” at ito ay patungkol kay Romualdez.

Ani Romualdez, nagpapakita lamang ito ng pagiging apssionate ni Sen. Marcos sa mga usapin na knaiyang isinusulong bilang public servant.

Gayunman, nakiusap si Romualdez kay Sen. Marcos na hindi na dapat magkaroon pa ng bastusan lalo pa at maraming nakakarinig o nakakapanood na mga kabataan.

Ani Romualdez, maraming hamon na kinakaharap ang bansa at bilang mga lider, dapat ay maging halimbawa sila ng pagpapakita ng respeto, pag-uunawaan at kooperasyon.

Sinabi ni Romualdez na pananatilihin niya ang pagkakaroon ng professional relationship sa kaniyang mga kasamahan sa gobyerno kasama na si Sen. Marcos. (DDC)