VP Sara Duterte itinalaga bilang caretaker ng bansa

Itinalaga ni Pangulong Ferdinand “Bongbong” Marcos Jr. si Vice President Sara Duterte bilang caretaker ng Pilipinas.

Ito ay habang nasa dalawang araw na state visit si Pangulong Marcos sa Vietnam sa Enero 29 hanggang 30.

Ayon kay Presidential Communications Office (PCO) Secretary Cheloy Garafil, pangangasiwaan ni Duterte ang pang araw-araw na gawain sa pamahalaan.

Layunin ng pagbisita ni Pangulong Marcos na palakasin pa ang ugnayan ng Pililinas at Vietnam.

Target din ni Pangulong Marcos na makahikayat ng mga negosyante na mamuhunan sa Pilipinas.

Itinalaga ni Pangulong Marcos si Duterte bilang caretaker sa gitna ng alingsngas ni dating Pangulong Rodrigo Dutrte na nasa drug watchlist ng Philippine Drug Enforcement Agency ang punong ehekutibo.

Pero mariin na itinanggi ng PDEA na nasa listahan si Pangulong Marcos. (Chona Yu)