Apr. 30 deadline para sa PUV consolidation huling extension na ayon sa DOTr

Hindi na irerekomendang muli ng Department of Transportation (DOTr) ang pagpapalawig sa deadline para sa PUV consolidation.

Ayon kay DOTr Sec. Jaime Bautista, pagkatapos ng Apr. 30 deadline ay matatapos na ang pagtanggap sa aplikasyon para sa consolidation ng mga individual public utility vehicle operators.

Sinabi ni Bautista na sapat na ang tatlong buwan para mabigyang pagkakataon ang hindi pa nakapaghahain ng aplikasyon.

Ani Bautista, ito na ang ikawalong pagkakataon na nagkaroon ng extension ng deadline para sa PUV consolidation. (DDC)