Drug suspect arestado sa search warrant sa Las Piñas City

Isang drug suspect ang dinakip ng mga tauhan ng Las Piñas City Police Station Drug Enforcement Unit sa kasagsagan ng search warrant sa bahay nito sa lungsod.

Kinilala ang suspek na si alyas Jim, 54-anyos, nakalista bilang Street Level Individual sa drug watchlist sa Barangay Talon Uno, Las Piñas City.

Ayon sa ulat, dakong alas-9:50 ng gabi isinilbi ng otoridad ang search warrant sa tirahan ng suspek at narekober ang
11 na pakete na naglalaman umano ng shabu na nagkakahalaga ng ₱102,000,
pouch, aluminum foil, tatlong disposable lighters, cashbox at cellphone.

Kasalukuyang nakakulong ang suspek sa nasabing himpilan ng pulisya habang dinala ang ebidensiya sa Southern Police District Forensic Unit (SPDFU) upang suriin. (Bhelle Gamboa)