48 PDLs ng Bilibid inilipat sa piitan sa Leyte

Matagumpay ang isinagawang paglilipat sa 48 na persons deprived of liberty (PDLs) mula sa New Bilibid Prison (NBP) sa Muntinlupa City patungong Leyte Regional Prison sa Abuyog, Leyte nitong weekend.

Ayon kay Bureau of Corrections (BuCor) Director General Gregorio Pio P. Catapang Jr., 23 mula sa 48 PDLs ang galing sa maximum security habang ang iba ay mula naman sa medium security.

Ang paglilipat ay bahagi aniya ng decongestion effort sa Bilibid.

Nagpasalamat si Catapang sa suportang ibinigay ng Philippine National Police at Philippine Coast Guard para sa paglilipat sa mga PDL katuwang ang mga miyembro ng NBP Custodial Force at tauhan ng BuCor SWAT. (Bhelle Gamboa)