8 sugatan sa banggaan ng 5 sasakyan sa Antipolo
Walo ang nasugatan sa aksidenteng naganap sa Sumulong Highway sa Antipolo City.
Ayon sa Office of Public Safety & Security (OPSS) ng Antipolo City, sangkot sa aksidente ang isang tourist bus, pamasaherong jeep, truck, school service at media van ng TV5.
Ang aksidente ay nagdulot ng pagsisikip sa daloy ng traffic sa lugar.
Ayon naman sa Antipolo City LGU, ang mga nasugatan sa aksidente ay agad na nadala sa pinakamalapit na pagamutan. (DDC)
