Anim na tauhan ng PNP nagpositibo sa paggamit ng shabu

Anim na tauhan ng Philippine National Police (PNP) ang nagpositibo sa paggamit ng ilegal na droga base sa ikinasang random drug tests kamakailan.

Ayon kay PNP chief Police General Benjamin Acorda Jr., kabuuang 4,614 na PNP personnel kabilang ang 4,517 na uniformed personnel at 97 non-uniformed personnel ang sumailalim sa random drug tests.

Isinagawa ang drug tests mula Jan. 1 hanggang Jan. 18.

Anim sa kanila ayon kay Acorda ang nagpositibo sa shabu.

Tiniyak naman ni Acorda na mahaharap sa karampatang parusa at kaso ang mga nagpositibo. (DDC)