Paleng-QR PH inilunsad sa isa pang palengke sa Quezon City

Pormal ng inilunsad ang Paleng-QR PH sa Project 4 Public Market sa Quezon City.

Ayon kay Quezon City Mayor Joy Belmonte, maaari ng mamalengke ng hindi nagbibitbit ng cash ang mga residente ng lungsod.

Hindi na din magiging problema kung walang panukli o walang dalang exact amount dahil mayroon ng cashless option.

Sa ngayon walong pampublikong palengke na sa Quezon City ang Paleng-QR Ready.

Sinabi ni Belmonte na patuloy ang layunin ng LGU para sa digitalization at automation ng mga serbisyo at komersyo sa lungsod.

Sa ngayon ay halos 100 percent na aniya sa mga proseso at serbisyo sa lungsod ay online at digital na. (DDC)