5 mangingisda nailigtas matapos magkaproblema ang sinasakyang bangka sa Romblon

Nailigtas ng Philippine Coast Guard (PCG) at ng mga tauhan ng Provincial Disaster Risk Reduction and Management Office (PDRRMO) ang limang mangingisda lulan ng isang bangka sa katubigan ng Romblon.

Lulan ng fishing banca na “Pharmaster,” ang mga mangingisda ng magkaproblema ang makina nito.

Agad nagsagawa ng search and rescue (SAR) operation ang PCG at PDRRMO at hinatak ang bangka patungo sa Sitio Lusod, Barangay Cajimos.

Ayon sa mga mangingisda, umalis sila sa Sito Lusod at patungo sana sa Sablayan, Occidental Mindoro.

Kinilala ang mga nailigtas na mangingisda na sina Jolio Galanao, Ferdinand Tansionco, Timothy Rodica, Manuel Rico, at Marvin Rico na pawang residente ng Romblon. (DDC)