Bettor na tumaya sa e-lotto, wagi ng halos P700M na jackpot sa 6/55
Isang mananaya lang din ang nanalo ng halos P700 million na jackpot prize sa 6/55 Grand Lotto.
Sa ginawang draw ng Philippine Charity Sweepstakes Office (PCSO), Miyerkules (Jan. 17) ng gabi, nakuha ng nag-iisang bettor ang winning number combination na 24, 50, 52, 09, 51, at 03
Kabuuang P698,806,269 na premyo ang napanalunan ng maswerteng nanalo.
Ayon sa PCSO, ang winning ticket ay binili sa pamamagitan ng e-lotto.
Samantala, wala naman pang nagwagi sa mahigit P25.5 million na jackpot sa Megalotto 6/45.
Noong Martes, Jan. 16 ay isang mananaya lang din ang nagwagi ng mahigit P640 million na jackpot prize sa Ultra Lotto 6/58. (DDC)
