Bata patay sa sunog sa Montalban, Rizal

Isang batang lalaki ang nasawi makaraang masunog ang kanilang bahay sa Brgy. San Rafael, Rodriguez (Montalban) Rizal, Biyernes (Jan. 12) ng umaga.

Sumiklab ang apoy sa bahay na pag-aari ng isang Maning Borlado sa P. Rodriguez Street.

Hindi naman pinalad na makaligtas sa sunog ang isang batang lalaki na ang edad ay nasa pagitan ng 4 hanggang 5 taong gulang.

Naideklarang fire out ang sunog 9:38 ng umaga.

Patuloy pa ang imbestigasyon sa insidente at inaalam pa kung ano ang pinagmulan ng apoy. (DDC)