Pagtanggap ng aplikasyon para sa 2024 Bar Exams sisimulan na sa Jan. 15
Sisimulan na ng Korte Suprema ang pagtanggap ng aplikasyon para sa 2024 Bar Examinations sa Jan. 15, 2024.
Tatagal ang application period hanggang Apr. 5, 2024.
Ayon sa inilabas na Bar Bulletin ng SC, lahat ng bagong aplikante, previous takers, at mga refresher na wala pang accounts sa online platform na Bar Applicant Registration System and Tech Assistance o BARISTA ay dapat gumawa ng account sa pamamagitan ng pagbisita sa barista.judiciary.gov.ph
Lahat ng aplikante ay dapat na kumpletuhin ang impormasyon sa kanilang profile, mag-upload ng digital copies ng documentary requirements at magbayad ng P12,800 na application fee. (DDC)
