Pres. Widodo humirit kay PBBM na suportahan ang pagbili ng PH Navy ng anti-submarine warfare aircraft sa Indonesia
Humihirit si Indonesian President Joko Widodo kay Pangulong Ferdinand “Bongbong” Marcos Jr. na suportahanan ang pagbili ng Philippine Navy ng anti-submarine warfare aircraft sa Indonesia.
Ginawa ni Widodo ang pahayag sa bilateral meeting kay Pangulong Marcos sa Palasyo ng Malakanyang.
Hindi naman tinukoy ni Widodo kung anong modelo ng aircraft ang inilalako ng Indonesia sa Pilipinas.
Aminado naman si President Widodo na marami pang kailangang mapahusay sa kooperasyon ng Indonesia at Pilipinas tulad ng border crossing at border patrol agreement.
Wala pa namang tugon ang Malakanyang sa alok ni Widodo. (Chona Yu)
