Iba’t ibang grupo nagtipon-tipon para ipanawagan ang paglaya ni Mary Jane Veloso
Sa pagbisita sa bansa ni Indonesian President Joko Widodo, nagtipon-tipon sa labas ng Malakanyang ang iba’t-ibang organisasyon kasama ang pamilya ni Mary Jane Veloso.
Ito ay upang ipanawagan kay Widodo ang paglaya ni Mary Jane.
Nananatili pa ring nakapiit si Mary Jane at nanganganib na matuloy ang parusang bitay na ipinataw sa kaniya.
Panawagan ng grupong Migrante International kay Pangulong Marcos dapat na igiit nito ang clemency at kalayaan ni Mary Jane at pagreresolba sa nakabinbin pa ring kaso ng human trafficking laban dito. (DDC)
