Indonesian Pres. Joko Widodo dumating sa bansa para sa tatlong araw na official visit

Nasa bansa na si Indonesian President Joko Widodo para sa kaniyang tatlong araw na official visit sa bansa.

Dumating si Widodo sa Villamor Air Base sa Pasay City, gabi ng Martes, Jan. 9.

Sinalubong si Widodo ni Presidential Peace Adviser Carlito Galvez Jr. at iba pang opisyal ng pamahalaan.

Magkakaroon ng pulong si Widodo at si Pangulong Ferdinand Marcos Jr. sa Malakanyang.

Tatalakayin ng dalawang lider ang mga usapin na makapagpapalakas pa sa ugnayan ng dalawang bansa.

Sa Nov. 2024 ay nakatakdang ipagdiwang ang 75th anniversary ng formal diplomatic relations ng Pilipinas at Indonesia. (DDC)