Loan Assistance ng Malasakit Center, peke ayon sa DOH
Pinag-iingat ng Department of Health (DOH) ang publiko sa pekeng Facebook page na gumagamit sa Malasakit Program Office bilang loan centers.
Ayon sa DOH, peke ang nasabing FB page at wa itong kaugnayan sa Malasakit Center program ng gobyerno.
Gamit ang “Malasakit Center” na pangalan, nag-aalok ang page ng emergency loan sa mga nangangailangan ng pambayad sa hospital bills.
Ginagamit din ng nasabing page ang opisyal na logo ng Malasakit Center.
Paalala ng DOH, maaaring masampahan ng kasong kriminal ang sinumang nasa likod ng nasabing page.
Paalala ng DOH sa publiko, mag-ingat sa mga nababasang impormasyon sa social media.
Tiyakin na sa mga lehitimong sources at platforms lamang kukuha ng mga impormasyon. (DDC)
