Presyo ng produktong petrolyo may bahagyang pagtaas ngayong linggo

Matapos ang rollback noong nakaraang linggo, ay mayroon na namang pagtaas sa presyo ng produktong petrolyo ngayong linggo.

Ayon sa abiso ng mga kumpanya ng langis, tataas ng 10 centavos ang presyo ng kada litro ng gasolina, diesel at kerosene.

Epektibo ang dagdag presyo sa Martes (Jan. 9).

Noong nakaraang linggo ay nabawasan ng 10 centavos ang presyo ng kada litro ng gasolina at 35 centavos naman ang ibinawas sa presyo ng kada litro ng diesel. (DDC)