See-thru fences at tents inilagay na ng MMDA sa Quirino Grandstand

Inilagay at inihanay na ng Metropolitan Manila Development Authority (MMDA) ang mga see-through fences at nagtayo rin ng tents sa Quirino Grandstand sa Maynila bilang bahagi ng preparasyon ng ahensiya sa Pista ng Itim na Nazareno.

Ang mga see-thru fences na inilatag ng MMDA Metro Parkways Clearing Group ay para sa kaayusan ng pila ng mga deboto sa tradisyunal na “pahalik” sa imahe ng Itim na Nazareno simula Enero 6.

Gagamitin naman ng MMDA Road Emergency Group at Public Safety Division ang mga itinayong tents para sa kanilang first-aid stations upang rumesponde sa mga mangangailangan ng medical attention. (Bhelle Gamboa)