Suplay ng kuryente sa Panay balik na sa normal ayon sa NGCP

Naibalik na ang suplay ng kuryente sa Panay sub-grid, Biyernes (Jan. 5) ng tanghali.

Ayon sa anunsyo ng National Grid Corporation of the Philippines (NGCP), fully restored na ang lahat ng apektadong feeders sa Panay Island at normal na ang operasyon ng mga transmission.

Batay sa pinakabagong ulat ng NGCP, nakapaghatid na ng 419.2MW ang Panay power plants, kabilang ang dagdag na 35.7MW mula sa iba pang pinagkukunan ng supply ng kuryente sa Visayas. (DDC)