93 PDLs ng CIW nakapiling ang kanilang mahal sa buhay sa Bilibid

Masayang nabisita at nakapiling ng 93 Persons Deprived of Liberty (PDL) mula sa Correctional Institution for Women (CIW) sa Mandaluyong City ang kanilang mahal sa buhay na nakakulong sa New Bilibid Prison (NBP) sa Muntinlupa City ayon sa Bureau of Corrections(BuCor).

Partikular na nabisita ng naturang PDLs ang kanilang mahal sa buhay sa Maximum Security Camp (MaxSeCamp), Reception and Diagnostic Center (RDC), Medium, Security Camp (MedSeCamp) at Minimum Security Camp (MinSeCamp) sa Bilibid.

Nabigyan sila ng pribilehiyong makasama ang kanilang mahal sa buhay sa pagkikita-kita nila sa Social Hall, National Headquarters ng NBP nitong December 31, 2023 at January 1, 2024.

Naging posible ang oportunidad na pagbisita ng PDLs sa panahon ng pagsalubong sa bagong taon sa ilalim ng pamamahala ni BuCor Director General Geregorio Pio P. Catapang Jr.

Naniniwala si Catapang na sa pamamagitan nito ay maiibsan ang alalahanin at homesick ng mga PDL habang binubuno ang kanilang hatol sa loob ng pasilidad. (Bhelle Gamboa)