Clearing ops sa Mabuhay Lanes at pangunahing kalsada sa NCR,pinaigting ng MMDA
Kahit holiday season, puspusan ang ginagawang clearing operations ng mga tauhan ng Metropolitan Manila Development Authority (MMDA) sa Mabuhay lanes at iba pang pangunahing lansangan sa Metro Manila na ginagamit bilang alternatibong ruta ng mga motorista.
Ilan sa mga lugar na inoperate ng MMDA Special Operations Group-Strike Force ang Sct. Borromeo hanggang Panay Avenue, Quezon Avenue, Commonwealth hanggang Old Balara, Katipunan Avenue at CP Garcia Avenue.
Layunin ng maigting na operasyon na mapagaan ang daloy ng trapiko at siguruhin na walang sagabal sa mga kalsadang dinadaanan ng mga sasakyan at mga bangketa na daanan ng publiko. (Bhelle Gamboa)
