9 na rebeldeng NPA patay sa engkwentro sa Bukidnon

Nasawi ang siyam na miyembro ng New People’s Army (NPA) sa opensiba ng militar sa Malaybalay City, Bukidnon araw ng Pasko, Dec. 25.

Ayon sa ulat ng Armed Forces of the Philippines (AFP), nagsagawa ng operasyon ang mga tauhan ng 403rd Infantry Brigade ng 4th Infantry Division laban sa mga rebelde matapos malaman ang presensya ng mga ito sa mga barangay Can-ayan, Kibalabag, Kulaman, at Mapulo.

Nasamsam ng mga sundalo sa pinangyarihan ng engkwentro ang walong armas na ginamit ng mga reblde.

Nakikipag-ugnayan na ang AFP sa mga residente sa lugar para sa posibleng pagkakakilanlan ng mga nasawing rebelde.

Hinikayat ng AFP ang nalalabi pang mga miyembro ng NPA na magbalik-loob na sa pamahalaan at samantalahin ang peace programs ng gobyerno. (DDC)