Matinding traffic naranasan sa mga lansangan patungo ng NAIA

Matinding traffic ang naranasan sa mga lansangan patungo sa Ninoy Aquino International Airport ngayong araw ng Huwebes (Dec. 21).

Dahil dito kinailangang magpalabas ng abiso ang Philippine Airlines (PAL) upang payuhan ang kanilang mga pasahero na magtungo sa paliparan ng mas maaga kung sila ay may biyahe.

Ayon sa PAL, ang masikip na daloy ng traffic ay naranasan partikular sa NAIAX Skyway exit ramps.

Naglagay naman na ng karagdagang booths ang NAIAX Skyway sa kanilang mga exit upang makatulong.

Sa inilabas na traffic update ng Skyway, ang haba ng traffic sa Terminal Offramp ng NAIAX sa umabot sa 3.7 kilometers alas 11:00 pasado ng umaga ng Huwebes, Dec. 21. (DDC)