Cardinal Tagle nabiktima ng identity theft
Nabiktima ng identity theft si Luis Antonio Cardinal Tagle.
Ibinunyag ito ni Tagle sa kaniyang homily ng pamunuan niya ang misa noong Simbang Gabi ng Linggo sa St. Peter’s Basilica na para sa FIlipino Community.
Ayon kay Tagle, ginamit ang kaniyang pangalan sa pagbebenta ng gamot sa rayuma gayundin sa pagbebenta ng aircon, electric fan at milk tea.
Ayon kay Tagle, humingi naman siya agad ng tulong sa mga otoridad.
Pinaalalahanan ni Tagle ang mga nasa likod ng nasabing panloloko na huwag mamuhay gamit ang fake identity at fake news.
Sa nasabin ring homily, sinabi ni Tagle sa mga dumalo sa misa na upang maging masaya, dapat ay palagiang magdarasal at huwag ilayo ang sarili sa Diyos. (DDC)
