Halos 40,000 pasahero bumiyahe sa mga pantalan simula Martes ng madaling araw – PCG
Nakapagtala ang Philippine Coast Guards ng halos 40,000 mga pasahero na bumiyahe sa mga pantalan simula ngayong Martes (Dec. 19) ng madaling araw.
Ayon sa Philippine Coast Guard (PDG), simula 12:00 ng hatinggabi hanggang 6:00 ng umaga, mayroong na-monitor na 20,611 outbound passengers at 18,016 inbound passengers sa lahat ng mga pantalan sa buong bansa.
Mayroong 2,753 na frontline personnel ang PCG na ipinakalat sa labinglimang PCG Districts.
Ngayong umaga, umabot sa 145 na mga barko at 58 motorbancas.
Simula noong Dec. 15 hanggang Jan. 3 ay nakataas ang heightened alert sa lahat ng districts, stations, at sub-stations ng PCG para masusing mabantayan ang mga pantalan at masiguro ang kaligtasan ng mga pasahero. (DDC)
