Daan-daang Las Piñeros nabenepisyuhan sa “Beauty Beyond Borders “medical mission
Daan-daang Las Piñeros mula sa vulnerable sectors ang nabenepisyuhan sa isinagawang “Beauty Beyond Borders” medical mission ng The Aivee Group sa pakikipagtulungan ng Pamahalaang Lungsod sa ilalim ng pamumuno ni Mayor Imelda Aguilar ngayong December 18.
Personal na tinutukan nina Dr. Aivee Aguilar- Teo ng Aivee Clinic, Bb. Alelee Aguilar-Andanar at Vice Mayor April Aguilar ang naturang medical mission para sa mga senior citizen, persons with disablities (PWDs) at iba pang mga residente, na ginanap sa Verdant Covered Court, Barangay Pamplona Tres.
Nakatanggap ang mga Las Piñeros ng libreng konsultasyong medikal, minor surgeries para sa wart, bump removal, at cauterization.
Bukod dito, namahagi rin ang The Aivee Group at Las Piñas LGU ng mahahalagang medical supplies tulad ng vitamins, dermatological medications, at gift packs. (Bhelle Gamboa)
