QCPD nagsasagawa ng imbestigasyon upang matukoy kung ano ikinamatay ni Ronaldo Valdez

Nagsasagawa ng masusing imbestigasyon ang Quezon City Police District (QCPD) para matukoy kung ano ang dahilan ng pagkamatay ng aktor na si Ronaldo Valdez o James Ronald Dulaca Gibbs sa tunay na buhay.

Sa inilabas na pahayag ng QCPD, sinabi nitong nagpapatuloy ang kanilang malalimang imbestigasyon.

Sinabi ng QCPD na kasalukuyan silang kumakalap ng mga ebidensya.

Tiniyak din ng QCPD sa publiko na ilalabas nito ang anumang magiging resulta ng imbestigasyon.

Pinayuhan din ng pulisya ang publiko na iwasan ang mga haka-haka sa usapin at respetuhin ang privacy ng pamilya ng aktor. (DDC)